Nag hir eo an hent evit gounit doujañs d’hor yezh. Nevez zo, eo bet nac’het c’hoazh ur chekenn e brezhoneg gant ur stal, an asurañsoù MAAF. Ai’ta! n’eus savet e mouezh hag harpet Brendan, ar bratik bet nac’het e chekenn dezhañ. Gortoz a reomp digarezioù digant ar MAAF ha degemer an holl chekennoù e brezhoneg. Da c’houzout, Brendan n’eus adkaset dezho ar memes chekenn o c’houl digarezioù. Un afer a ziforc’hidigezh eo.
Siwazh, ur wech c’hoazh, an afer mañ a ziskouez deomp pegen diasur eo implij hor yezh e maez ar bed prevez. Hor gwirioù denel, hini implij hor yezh vamm en o zouez, n’eo ket anavezet c’hoazh. Ai’ta! a embann ur wech c’hoazh ar pal tizhout an ofisializañ evit ar brezhoneg. Kement all a zo ret evit reiñ un dazont ha lieskementiñ implij ar yezh er vuhez foran.
Lizher ar MAAF
Kavit amañ da heul lizher ar MAAF ha respont Ai’ta! Gwelet lizher Ai’ta! d’ar MAAF