Lidet e oa bet d’ar gwener 4 a viz Here, get dilennidi ar c’horn-vro, digoridigezh savadur nevez Kampus Tohanig a roy bod da Gevrenn ar Gwir , ar Skiantoù Armerzhel hag ar Merañ hag ivez d’an Ensavadur Stummiñ àr ar Prederioù Klañdiour.
Staliet e oa bet ivez ur panellerezh nevez-flamm UNYEZHEK er c’hampus a-bezh. Un dra souezhus ha diboelle penn da benn : skrivet e oa ar gouviadenn e div yezh galleg ha brezhoneg evit lid-digoriñ ur c’hampus unyezhek …
Kaset hon doa ul lizher (staget amañ) d’ar renerezh Skol-Veur Kreistez Breizh e Miz Mezheven evit diorren ar brezhoneg er skol-veur (Gwened hag An Oriant) ha goulenn un emgav. Chomet e oa direspont hon lizher ha skarzhet eo bet an option « brezhoneg » en Oriant get renerezh en USE en distro-skol-mañ….
Profitet en deus Ai’ta ! ag an darvoud-mañ evit lidiñ ni ivez ar panellerezh nevez-se e div yezh ar wezh-mañ….
