Un hanterkant bennak a dud o deus kemeret perzh e fest-deiz Ai’ta ! dirak ti-gar Plouared. An holl e felle dezhe adlâret d’an SNCF o c’hoant da welet yezh ar vro skrivet par ouzh ar galleg en ti adkempennet. Da ziwall a zo, rak n’eus ger brezhoneg ebet er panelloù staliet betek-hen. Laouen ha dizrouk eo bet an oberenn an taol-mañ… Gant ma vefomp klevet ha selaouet buan gant ar pennoù bras (SNCF, RFF, dilennidi ar C’huzul Rannvro hag ar Gumuniezh Kumunioù) en em gavo dimeurzh e Plouared ! Ma n’omp ket e vo cheñchet ton a-benn ar wech all…
